Aceh Meu Panton

Sabtu, 11 Agustus 2012

Pantun Aceh

MEUNIKAH

Koh lipah pula lipah,
pucok jih reubah u dalam paya,
meunyoe hiem nyoe jeut neupeuglah,
jadeh meunikah geutanyoe dua.

UREUNG TEUMAKI

Tajak ngon moto tawoe ngon tapak
Jalan ka rusak oh lheueh tsunami
Wahe syedara nyang na di barak
Nue jaga jarak ngon ureung teumaki

PEUMIMPIN AGONG

yoh awai buleun ureung top tupong
peugot boh rom-rom buka puasa
aleh pajan trok peumimpin agong
jak bantu tulong rakyat lam desa

TEUTAP KUMITA

Sigeundot rusa keumang ‘oh beungoh
Sigeudot tanoh keumang ‘oh seunja
Lawan ngon musoh kabeh kutu’oh
Adak kalop lam tanoh teutap kumita

PEUGLAH UTANG

Ranub bineh gle meuputie karang
Ranub bineh blang meuputie tangke
Utang ngon kaoy peuglah beurijang
Mangat glah ngon tuhan ‘oh uroe page

EK LALAT BAK MING

Jak u pasie jak kawe bing
ka lheh ku peusing ku peuduk lam raga
yang juoh ka sabee lon nging
ek lalat bang ming ka lheh ku tanda

Sumber : http://www.acehforum.or.id

Pantun Aceh - Dara

Ie krueng blang kulam rhet cukop manyang
Urueng jak keunan dum jak meu tamasya
Alah hi cut adek dara kon han loen jak pinang
Tapi meuh si manyam hana beulanja....

Aneuk tiong di cong bak kirong
Ticem beuraghoe jeut peugah haba
Ulon jioh hinoe diranto
Hajat lonjak woe jak kalon dara...

Sumber :http://rice2nite.multiply.com

bungoeng melu mekarang bak tangke..
loen boh lam bate.keu asoe kama.
ranup kuneng oen kaleuh loen bungkoeh.
beudoeh ta pajoeh tanda mulia.

loen mumat jaroe poe sisi ji'oeh.
seubab hana troeh loen kaloen rupa.
loen lake meu'ah ngoen jaroe si ploeh.
meu'ah syedara beuh u bena dausa.

Pantoen Aceh - Keu Adek nyang Loen Cinta

On sireen meugulong-gulong
On keurusong meuputa-puta
Meunyoe adek galak keu loen
Tapreh bak jurong lon woe sikula

Tajak u laot ta kawee bileh
Tasok bak pureh tapandang mata
Abang disinoe adek disideh
Pajan keuh ta eh saboh bantai dua

abeh gunoeng ka loen rawoen
abeh gampoeng ka loen puta
meujak mita dara gampoeng
boeh kaye lam oen hawa loen raya

bungoen jeumpa leumpah that haroem
timoeh dalam oen indah lagoeina
saboeh pantoen saja abang layang
geulantoe peusan cinta loen keu gata

aneuk mit manoe meloen-meloenmeah beuh ulon hana pantoen..!!!
kwkkwkwkwkwk

kota meulaboh meu simpang2
na saboh simpang u kanto bupati
lon eh han tenget lon duk han teunang
sabee teubayang keu adek meutungkik

Raju Meutuah Said,
20 February 2012 22:25
Lon duek bak rangkang lon tumpang ulee,
Lon duek bak balee pikeran meuputa...
Barat ngen timu abeh lon keumadee,
Manyam Dua Lhee hek that tamita.....

Raju Meutuah Said,
20 February 2012 22:27
Tajak U Banda hai dek cut na simpang limong,
Ret teubit Tamong moto syiah kuala....
Meunyo keuh bit gaseh lon ka dek cut teurimong,
Pajan Keuh dek nong cut bang me tanda.....

akmal safira Said,
1 March 2012 07:33
kuneng kuneng pade dalam blang
tapi that sayang katulo pajoh,
umu kacukop hudep meulajang
leupah that sayang judo golom troh,,,

jipot angen cot uro timang
peu ek seulayang u langet tujoh,
meubagoe cara kaleuh lon paban
peut bogh tunangan mandum kaputoh,,

kilat geulanteu meu rek rek awan
siat phleu nyan ujeun pih jitoh,
janji jeulame yoh awai lapan
sibeuleun leuh nyan meutuka siploh,,
han ek lon pike ule ka mumang
bak ayah tuan payah meu tanggoh

pane jitimoh si aneuk bayam
jareung tasiram baja tan taboh,
kon han meukawen umu ka matang
tapi yum meuh simayam sijuta tujoh reutoh limong ploh

abidun Said,
2 April 2012 07:37
Bek gad0h taduk bak keudee kupi,
bek tapeurati g0b jak ng0en h0nda,
bek lee meulajang tamita istri laju ,
pileh sendiri t0h2 yg hawa,
meuny0e geutany0e kana istri
di ateuh tjati na ng0en meuseunda,
kana s0e cupet dak saket gaki,
adak lam kupi na s0e b0h saka,
kana s0e tagun gulee 0en ubi,
bu dlm panci nas0e seu dia,
bjee yg kut0e kana s0e cuci,
ie g0s0k rapi lee ma sidara,
meuny0e yg laen bek ul0en rawi,
meuf0m sendiri yg kadewasa,..?

dara d tangse mirah bibi..
dara d idi sayu that mata..
keupu that lgak cidah ngon tari..
hate yg suci gadoeh lam dada..

dalam pepatah kaleuh geupeugah..
mita yg cidah bek salah raba..
bek sampe tacok yg mirah bibi..
ka gadoeh suci hanale dara..

ta mita judo sunat yg tari..
lage lam cd film india..
beuget ta kaloen yg lagak budi..
mangat serasi hudep bahagia..

Pantoen Aceh

MEUKAWEN

Bineh gle Tuhan lagak meuleupah..
Seolah2 bintang kejora..
Soal peuneuwo kaleuh geu peugah..
Ija saboh tah 4 kilo saka.....
Meunyo han sep peng bek gata gundah..
Nyopat na cara, hana lon peu utang cara lon peugah..
Seubab lon ngon kah ka lagee syedara........
Jeih pat na laot tapublo siblah....
Sumbangan ikhlas lonjok keu gata..
Menyo han sep nyan syedara meutuah..
Geureutee & seulawah tapublo ban 2..
Pokok jieh MEUKAWENNNNNN..

INONG GEUNTENG KEUIENG

jak u lampoh pet boh mulieng
peh keu umpieng buleun puasa
man saboh lungkiek gle kalheuh ulon ngieng
nyang geunteng keuieng ka lheuh long tanda

CHALIL FIRDAUS Said,
31 January 2011 08:30
Geun0ng seulawah meugah manyang that.
Bak puc0k asap meuputa-2. . Ng0n gun0ng fuji indah jih siat. .
Jeut ta ibarat m0den nyan rupa. .

Keu bansa atjeh bacut l0n surat.
Beuoe d that-2 peubeud0h bansa.
Gad0h huk0m gad0h adat.
Deung0n barat jak peusama..

Basa atjeh jareung d pak0e.
Kameu gant0e basa lua. .
Bak sikula hana lee d peureun0e.
Sang-2 basa ny0e cit han toem na. .

CHALIL FIRDAUS Said,
31 January 2011 08:31
betoi that rakana pu nyang tamariet
meu ubee pijet tan na cupa
nyang gata peugah memang lagee nyan
bak zameun nyoe chit ka nyata

cuma hai rakan mari ta beudoh
pu pu nyang jroeh mari tapuga
tapeuwoe reusam lagee bak asai
nak bek kanjai geutanyoe dumna

adat tapeubangket treusam ta jaga
oh na yg kanjai tatob beusigra
lagee bak asai laju tapeuwoe
mak mu nanggroe
meutuwah bangsa...

CHALIL FIRDAUS Said,
31 January 2011 08:32
rumoh sikula rata lampoh ue..
berdinding batu jendela kaca.
mudi-muda jinoe cukop that ayeu..
kameukeu-keu di maen cinta.

yoh masa jameun moden lam pageu..
bek na soe teupeu bak geuduk dua..
tp jinoe kamaen keu-keu..
hana lee peu-peu non ayah ngon ma..

teuma ngon ladom cit ka setuju..
aneuk di bahue di likot honda..
hana geuhiroe larang tuhanku..
azeb lam kubu hana geunit na..

allahu allah allah tuhanku..
ulon nyoe satu peujioh bala..
pejinoh maksit nibat badan lon..
tuloeng neulindong dari but mungka..

CHALIL FIRDAUS Said,
31 January 2011 08:33
ATJEH LON KISAH

nanggro atjeh nyoe lon neuk kisah.
lam sejarah masa lampoe.
dile awai got that meugah.
lheh nyan leupah tan lee meuho..

mula bak phon lam seujarah..
atjeh meugah nibak doNya..
di peureulak awai kisah..
islam meugah sinan mula..

teuma lheh nyan islam meugah..
hai meutuwah lon calitra..
iskandar muda raja meugah..
mat peurintah pimpin bansa..

geumeuhukom ade leupah..
meunan salah hukom sigra..
hana meutheun bak meuhukom..
bathat kawom keuluarga..

bak meu hukom hana ilah..
tan peusiblah bah syedara..
aneuk gopnyan lam seujarah..
hai meutuwah droe neuhukom..

raja ade kubah kisah..
lam seujarah dum tapakoe..
iskandar muda raja gagah..
hai meutuwah peuthteun nanggro..

di beulanda peugot ulah..
d jajak jajah rata sagoe..
rakyat ubeut d peurintah..
macam ulah di peugot droe..

iskndar mudagagah leupah..
lagi ceudah pimpim nanggroe..
dum teutara geupeusapat..
kageupakat geumeusahoe..

dum ulama ikot rapat..
dumna rakyat geupeusahoe..
geucok hukom dalam kitab ..
kafe laknat taprang jinoe..

dalam hukom nibak kitam..
wajib jihad peuteuh nanggro..
kageuato dum pasukan..
geuyu jak cang si peukacoe..

bumoe atjeh peunteng beu aman..
hukom islam peudong nanggro..
laen bak nyan lon neuk kisah..
pahlawah gagah peutheun naggroe..

tgk.umar panglima prang..
cut nyak dien lheuh nyan inong sidroe..
keumala hayati armada laot..
gop nyan ngon boet jaga nanggroe..

cut nyak mutia ngon lintoe gopnyan..
dua badan saboh asoe..
na laen lom dum pujuang..
han abeh lon boh nan wahai ado..

dumnan saja lon calikan..
ngon peutheun prang jaga nanngro..
meuseuna wate umu payang..
jan laen rakan sambong teuma..

kasep meumada lon boh kisah..
peureule beujeulah baca lom keudroe..
haba abeh warah matullah..
lon lake meuah bandum bak dren nyoe..

CHALIL FIRDAUS Said,
31 January 2011 08:34
tajak u monta roet aneuk galong..
tawet rot gampong mata ie nama..
alhamdulillah wahee rakan lon..
neutem neujunjoeng budaya bansa..

bak bineh laot timoh bak aron..
bak bineh juroeng na bungoe jeumpa..
seunang that hate cukop lon sanjong,,,
bak balah pantoen monden nyoe rupa...

CHALIL FIRDAUS Said,
31 January 2011 08:34
tajak u blang ret gampong julok

tapioh siat di gampong saga

oman that seunang kana so tanggung

jinoe lon katroh laju lo buka

CHALIL FIRDAUS Said,
31 January 2011 08:37
Wartawan dan Beurita Ariel Luna Maya

Juni 12, 2010 pada 4:02 am (Panton Aceh Lon)

Sipak Bola Saboh Olahraga
Yang Na Jinoe Pesta Piala Dunia
Sabe Malam lam dari Siblah Juni Sampoe 11 Juli
wartawan siaran langsong Bak Saboh TV

Mata ka keumong seubab meujaga
Kalon Bola Bak tv swasta nan RCTI
Pakon Ureung Inong Leu that Peuhah dada
Lagee haba Film mirip Ariel Luna Maya Ngon Cut Tari

Tugas mulia wartawan liput beurita
dari Aceh tercinta sampoe Manca Negara
watee na beurita Film Porno Mirip ariel Luna maya
pakon hana neupike akibat jih keu aneuk sikula

Aneuk muda-mudi Indonesia jak sikula
bek sampoe dengoe beurita hana meuguna
menyoe beurita diulang-ulang tentang luna maya
awaknyan tentee ingin mencuba rasa.

Panton lon keun keu adek abang wartawan
untuk neubuka pemikiran gata
mita peng dengon liput beurita
bek sampoe merusak generasi muda Indonesia Tercinta.

CHALIL FIRDAUS Said,
31 January 2011 08:39
tajak ugle tajak koh kayee
teugilo limpeun dikap bak gaki
bah neujak u lua nanggroe towo neubitee
yang penteng droe bek tuwo neubagi raseuki yg geujok le Rabbi

aceh lon sayang serambi mekkah
hana peu peugah tan hase alam geubri le Allah
walaupun tombak kayee sampoe ka patah
eungkot mirah mata lon puwoe keu gata

Inong aceh leupah that cedah
pake bajee kerudong ngon bibi mirah
hana lon langkah lon kalon gata
di ateuh geudong lon potret adinda

CHALIL FIRDAUS Said,
31 January 2011 08:44
Ho ka teungku syedara ulon
Neucingieng kalon beunantu teuka
Meunyo ata nyan rugoe ka ta thee
Laju ta lake puetak beulanja

Jibi pih ta tueng , beuluang ta tasudi
Beu meukrie sakri pue atra jiba
Menyoe ka meuno bek na le meudeh
Bek gop peujayeh dak ple hana

Tamat bak jaroe nyang hana putoh
Mumat bak peunutoh indatu maju
Ureung aceh nyoe kon biek meudahoh
Koen ureung teuboh ateuh rueung donya

CHALIL FIRDAUS Said,
31 January 2011 08:45
Oleh : CHALIL FIRDAUS

Meukru seumangat po bongong nawah
Baca ceuramah dua lhee banja
Nanggroe Aceh nyoe jinoe can bicah
Hana le gagah pendidikan agama

Dara di Aceh leubeh that parah
Punggong meu-ulah bak jalan raya
Oh taseulidiki hai nyak meutuah
Peulajaran ceudah ngon meunan rupa

Di mahaseswa na saboh bhan
Meukat juadah di ujong seunja
Di yup bak aron meurupah-rupah
Di kreung Cut reubah ngon pengusaha

Pakon lagee nyan bungong keuretah
Jinoe syari'ah di Aceh Raya
Jinoe e kawom kajeut neu-ubah
Bek sampoe reubah tiang agama

Dosen ngon guru ulon peurintah
Beu le neupegah keu murid gata
Di sampeng peulajaran beutatem tamah
Tulong peulemah syurga neuraka

Budaya Barat meutamah-tamah
Dalam sejarah chit ka awai na
Sekeunario nyoe deungo lon peugah
Lam 'sinyal' leumah buet Amerika

Ji keumueng hanco seuen-seuen silangkah
Jipeusak gagah bangsa beulaga
Uroe ngon malam jiluem pat ceulah
Nyang raya teuhah rot kawon hawa

Oh ta-eu 'jilbab' ube seulawah
Dada jih leumah lipeh that ija
Peu lom siluweue asoe meukulah
Dikeu meukulah leumah kuala

Buet siluweue Lee hanjeuet tapeugah
Mata meukilah le yang 'terpana'
Polisi sayri'at bek raya pegah
Kajeut beureukah lagee nyan cara

Supaya Aceh keumbali meugah
Masa geupapah le Iskandar Muda
Kanun nyang kana hukom syari'ah
Bek le neukeubah tiek ateueh bara

Agam ngon subang pih nyan saboh bhah
Bak takue leumah 'manek' meulingka
Bek le lagee nyan wareh meutuwah
keu 'gagah-gagah' rusak agama

Adat ngon sopan pih leupah parah
Hana meuri yah hana meutoh ma
Seubab lam tivi lam sabe leumah
Tayangan mewah budaya luwa

Dalam "sineutron" seupanyang kisah
Hanco 'aqidah Islam muliya
Pilem calitra peulikot Allah
pane na keumah e ayeuem mata

Menteri Agama kajeut neuteugah
Sensor bek leupah untuk jiputa
Sayang aneuk miet nyan bilah-bilah
Oh akhe parah iman lam dada

Tivi swasta beuna neuceugah
Iklan le parah watee oh jiba
Inong 'teulanjang' kayem that leumah
Tulong neupinah bek rusak bangsa

Akhirul kalam adoe meutuah
Oh noe Ceuramah si-at meumada
Seulamat neubaca nyang na faedah
Supaya leupah bek le lam bahya

CHALIL FIRDAUS Said,
31 January 2011 08:52
Meukru seumangat po bongong nawah
Baca ceuramah dua lhee banja
Nanggroe Aceh nyoe jinoe can bicah
Hana le gagah pendidikan agama

Dara di Aceh leubeh that parah
Punggong meu-ulah bak jalan raya
Oh taseulidiki hai nyak meutuah
Peulajaran ceudah ngon meunan rupa

Di mahaseswa na saboh bhan
Meukat juadah di ujong seunja
Di yup bak aron meurupah-rupah
Di kreung Cut reubah ngon pengusaha

Pakon lagee nyan bungong keuretah
Jinoe syari'ah di Aceh Raya
Jinoe e kawom kajeut neu-ubah
Bek sampoe reubah tiang agama

Dosen ngon guru ulon peurintah
Beu le neupegah keu murid gata
Di sampeng peulajaran beutatem tamah
Tulong peulemah syurga neuraka

Budaya Barat meutamah-tamah
Dalam sejarah chit ka awai na
Sekeunario nyoe deungo lon peugah
Lam 'sinyal' leumah buet Amerika

Ji keumueng hanco seuen-seuen silangkah
Jipeusak gagah bangsa beulaga
Uroe ngon malam jiluem pat ceulah
Nyang raya teuhah rot kawon hawa

Oh ta-eu 'jilbab' ube seulawah
Dada jih leumah lipeh that ija
Peu lom siluweue asoe meukulah
Dikeu meukulah leumah kuala

Buet siluweue Lee hanjeuet tapeugah
Mata meukilah le yang 'terpana'
Polisi sayri'at bek raya pegah
Kajeut beureukah lagee nyan cara

Supaya Aceh keumbali meugah
Masa geupapah le Iskandar Muda
Kanun nyang kana hukom syari'ah
Bek le neukeubah tiek ateueh bara

Agam ngon subang pih nyan saboh bhah
Bak takue leumah 'manek' meulingka
Bek le lagee nyan wareh meutuwah
keu 'gagah-gagah' rusak agama

Adat ngon sopan pih leupah parah
Hana meuri yah hana meutoh ma
Seubab lam tivi lam sabe leumah
Tayangan mewah budaya luwa

Dalam "sineutron" seupanyang kisah
Hanco 'aqidah Islam muliya
Pilem calitra peulikot Allah
pane na keumah e ayeuem mata

Menteri Agama kajeut neuteugah
Sensor bek leupah untuk jiputa
Sayang aneuk miet nyan bilah-bilah
Oh akhe parah iman lam dada

Tivi swasta beuna neuceugah
Iklan le parah watee oh jiba
Inong 'teulanjang' kayem that leumah
Tulong neupinah bek rusak bangsa

Akhirul kalam adoe meutuah
Oh noe Ceuramah si-at meumada
Seulamat neubaca nyang na faedah
Supaya leupah bek le lam bahya

di bineh gampong pelabuhan raya.
cukup that sedeh udep di gampong
ekonomi di puetroen glabal celaka.
ujung patihah bate mue susoen

MEKRU SEMANGAT TANGLONG JENULANG.DUA KREK LON KARANG PANTON BIASA.ACEH LAWET NYO PAKON MENAN BAN.ASAI DRO SENANG LAEN PEU KIRA.

lon jak hana lon the katrok u puncak
hai nyang dara nangroe aceh bek ta peumalee
bek tameulakee azeb Allah Ta`ala
mayang - manyang gunong geututee

Wahee bangsa lon bangsa meutuah
aceh nyoe sah lam jaroe gata
Peu taneuk peubloe atawa ta keubah
Aceh nyoe geukeubah bak jaroe PA

Di kamoe rakyat cuma meudoa
Aceh Beumeusyarit`at pateh Ulama
Meuyoe Ulama geutanyoe bantah
Nyan Adeup Allah Geupeutroen udoaya..

Kaseeb ohnoe haba lon peugah
Nyoe na masalah neupeu meuah sigra
Lon takot dosa singoh bak Allah
lon takot susah blang padang masya...

Panton Aceh - Aceh nyoe kaya

Aceh nyoe kaya Alhamdulillah
Ureung ibadah pujoe Rabbana
Limong boh watee geupujoe Allah
Poma ngon ayah sabee meudoa

Neubri nanggroe nyoe beu teutap ceudah
Makmu beubagah rakyat ubena
Bek na lee karu deungon musibah
Bek udeep gundah kawom sidumna

Gampong ngon banda bek na masalah
Nanggroe meutuah bek prang syedara
Kontak senjata bek lee na leumah
Bandum daerah damee beuteuka

Beuneupeu wujud wahe Ya Allah
Seuramoe Mekkah beu aman teuka
Awai kon rakyat rame yang punah
Subhanallah nyawong keuluwa

Ladom meuninggai meudarah-darah
Seudeh that leupah watee takira
Di dalam gampong nyan pih le parah
Aneuk deungon yah meuninggai donya

Ladom kawom ma udeep lam payah
Lakoe meutuah jinoe han lee na
Konflik seunjata rakyat le punah
Aneuk meupisah ngon ureung tuha

Dum aneuk yatim rata daerah
Gasien ngon susah lam ro ie mata
Udeep meupayeh saket meutamah
Ie mata darah cobaan teuka

Allahu Rabbi Nyang Maha Gagah
Bek lee musibah u Aceh Raya
Sinoe ngon sideh bek lee ro darah
Bek lee lam gundah ngon haro-hara

Neubri kamoe nyoe udeep beugagah
Akai beuceudah agam ngon dara
Cit Tuhan sidroe nyang kamoe seumbah
Nyang ridha Allah sabee keurija

Ban saboh Aceh beu sapeu peugah
Deuk ngon grah sama tarasa
Bahgia udeb keunan ta langkah
Pujoe Potallah bek sagai lupa

Aceh nyoe harom Seuramoe Mekkah
Nanggroe meutuah Tuhan karonya
Laot ngon darat kaya sileupah
Rahmat Potallah han soe ek kira

Sumber : http://www.acehforum.or.id

Pribahasa Aceh - Hadih Maja

0001.
aDaT BaK Po TeuMeuReuHoN, HuKoM BaK SYiaH KuaLa, KaNuN BaK PuTRoe PHaNG, ReuSaM BaK LaKSaMaNa

0002.
BuBei Dua JaB SeuReuKaB Dua MuKa, KeuNoe Toe KeuDeH RaB, MaN Dua PaT MeuTeuMei LaBa.

0003.
BuYa KRueNG Ka TaHe TeuDoNGDoNG, BuYa TaMoeNG Ka Meu RaSeuKi.

0004.
LaM HuDep TaMeuSaRe, LaM MeuGLe TaMeuBiLa, LaM LaMPoH TaMeuTuLoNG aLaNG, LaM MeuBLaNG TaMeu SYeDaRa.

0005.
MaTe aNeuK MeuPaT JeuRaT, GaDoH aDaT PaT TaMiTa.

0006.
NYaNG SuLeT KReHKRoH, NYaNG ToH BoH MiRaH MuKa.

0007.
PaT BoH PaNaH NYaNG HaNa GeuTaH KeCuaLi BoH MiRaH NGoeN BoH KeuLaDi, PaT TuTo aTaWa BuT NYaNG HaNa SaLaH KeCuaLi FiRMaN aLLaH NGoeN HaDiH NaBi.

0008.
PaT uJeuN NYaNG HaNa PiRaNG, PaT PRaNG NYaNG HaNa ReuDa.

0009.
TaJaK BeuTRoH TaKaLoeN BeuDeuh, BeK RuGoe MeuH SaKeT HaTe.

0010.
uReuNG SaBa LuWaH LaMPoH, PeNG SiRiBee TiNGGai SiReuToH.

0011.
aMPoeN Na Di iDi CuT, PoCuT Na Di SaMaLaNGa, PeuReuLee BReuH JaK u TaNGSe, PeuReuLee PaKe TRoN u BaNDa, PeuReuLee KeuBeu JaK u JaNTHo, PeuReuLee PuTRoe Na Di KeuMaLa.

0012.
BaK JieDuK TeuLeuMiek-LeuMiek, MuKa TuBai TeuSeuNYoM-SeuNYoM, WaTei Ji JaK TeuBuNGKoK-BuNGKoK, HaTe KuRoK Jie PuBLoe NGoeN.

0013.
BaK PeNG DuRoeH JaNGGoeT, BaK BRoeT aLeH Do'a

0014.
LaGee Ta MeuKaT SiRa LaM uJeuN, MaSeN Keu TaBeu HaNJeuT Ta PeuTeuN.

0015.
LaGee u MeuNaN MiNYeuK, LaGee Du MeuNaN aNeuK.

0016.
LeuNGoe oeN KaYee Ka MeuTeuPeu CiCeM, TeuSeuNYoM NeuKHeM Ka MeuTeuHo MaKNa.

0017.
MeuNYoe JeuT Ta PeuLaKu, BoH LaBu JeuT Keu aSoe KaYa, MeuNYoe HaN Ta Teu'oH PeuLaKu, aNeuK TeuNGKu JeuT Keu BeuLaGa.

0018.
MeuRiRi uRoeT Ta iKaT Keu BeuNTeuNG, MeuRiRi uReuNG JeuT Ta BoH Keu RaJa.

0019.
NiBaK Ta aSeK GeT Ta aNGGoK, Beu THaT BRoK BRoK aSai KaNa.

0020.
TaJaK BeuLaKu LieNGGaNG, TaPiNGGaNG BeuLaKu iJa, TaNGui BeuLaKu TuBoH, TaPaJoH BeuLaKu aTRa.

aneuk rampung, ditron u kreung takheun kadra, rayeuk bacut takheun seubeon, oh rayeuk lom seupeung raya.

leupah langkah jeut tariwang,narit krang ceukang dudoe binasa

0021.
aSai CaBoK NiBaK KuDe, aSai PaKe NiBaK SueNDa.

0022.
BaK ie RaYa BeK Ta THeuN aMPeH, BaK ie TaReK BeK Ta THeuN BuBe, BeK Ta MeuRaKaN NGoeN Si PaLeH, HaReuTa HaBeH GeuTaNYoe BiNaSa.

0023.
BaRaNGKaDuM RaYa ie KRueNG NYaNG GeuBiLEUng ie KuaLa, BaRaNGKaDuM BueT RaKYaT NYaNG GeuBiLeuNG BueT RaJa.

0024.
BuLueN PeuNGeuH TaKaWe euNGKoT, WaTei ie SuRoT TaKoH BaK BaNGKa, TaSueT GLueNG mEUh SoK GLueNG BaLoT, BueT HaN PaToT BeK TaKeuReuJa.

0025.
Di CoNG BaK MaNGGeH Ji MeuLoT SiWaH, Di CoNG BaK LaWaH uMPueNG SeuReuNGGa, HaTe uLoeN NYoe CuKoP THaT SuSaH, BaK PeuTiMaNG GaH PeuReuLee Keu CiNTa.

0026.
HiNa BaK DoNYa HaReuTa TeuH TaN, HiNa BaK TuHaN iLeuMei HaNa.

0027.
KHeM MeuHaH-HaK SaLeueK iBLiH, KHeM MeuHiH-HiH SaLeueK GuDa, KHeM TeuSeuNYoM SaLeueK BaK TeuNGKu, KHeM SiGeuTu SaLeueK uLaMa.

0028.
LaMPoeH MeuPaGeu, uMoNG MeuaTeuNG, uTeuN MeuTaLoe, NaNGGRoe MeuRaJa.

0029.
MeuNYoe aTe HaNa TeuPeH, PaDe BiJeH Di PeuTaBa, MeuNYoe aTe Ka TeuPeH Bu LeuBeH HaN MeuTeuMe RaSa.

0030.
MeuNYoe HaNa aNGeN Di PoT, PaNe PaToT SuWe MeuPuTa, MeuNYoe HaNa SaPEU NYaNG Di ToT, PaNe PaToT aSaP MeuBuRa.

0031.
ABeH NYaWoeNG TuHaN TueNG, aBeH HaReuTa HuKoM PaJoH.

0032.
ADaT MeuKoH ReuBoNG, HuKoM MeuKoH PuReH, aDaT JeuT BeuRaNGKaHo TaKoNG, HuKoM HaNJeuT TaLaNGGeH.

0033.
Di LaoT Ka SaPeu PaKaT, TRoeH u DaRaT LaeN KeuNiRa.

0034.
HaK BuYa Di DaLaM KRueNG, HaK RiMueNG BaK BiNeH RiMBa.

0035.
MeuNYoe GeT LaM HaTee, LaHee BaK ie RuPa, MeuNYoe BRoK LaM HaTee, LaHee BaK PeuGaH HaBa.

0036.
PaT RaNuB NYaNG HaNa MiRaH, PaT PeuNeuRaH NYaNG HaNa BaJo, PaT TuTo NYaNG HaNa SaLaH, HaNa BaK TeuNTe Na BaK DuDoe.

0037.
TaHeMaT YoH MaNToeNG Na, BeuTeuGoH THaT YoH GoH CiLaKa.

0038.
TeuNGoH TeuGa Ta iBaDaT, TaHaReuKaT YoH GoH MaTee.

0039.
uDeP SaRee MaTee SYaHiD

0040.
uLeue BaH MaTee RaNTeNG BeK PaTaH, BuT BeuJeuT GeuTaNYoe BeK LeuMah.

0041.
BeK HaRaP PaGeu KeuBee LaM PaDee, BeK HaRaP JaNToNG PeuReuLoH HaTe, JeuT LeuMieK TaNoH KeuBeu KeuMeuBaNG, LeuMieK Go PaRaNG GoB MaT KuaSa.

0042.
BeuHe RiMueNG Di DaLaM uTeuN, BeuHe BuYa Di DaLaM KRueNG.

0043.
GoB PaJoH BoH PaNaH, TaNYoe YaNG MeuGeuTaH.

0044.
LaM GeuRuPoH MeuBeK Ta PeuLeuH MuSaNG, LaM RaGa PiSaNG BeK PeuLeuH TuPe.

0045.
MeuNYoe PiJeT TaBoH BaK SaPai, Ka TeuNTee GaTai Ta TeuMee RaSa, MeuNYoe SuLeT Ta BoH Keu PaNGKai, Ka TeuNTee KaNJaI Ta CoeK Keu LaBa.

0046.
Na GLe JiPeuGoeT Keu BLaNG, Na RuMoH JiPeuGoeT KeuRaNGKaNG

0047.
Ta MeueeN CaTo BeK LeuPaH-LeuPah, MeuNYoe RoH BoH 14 MaTee u PuNCa, Ta MeuTuTo BeK LeuPaH-LeuPaH. PeuLaRa LiDaH YoH GoH BiNaSa.

0048.
TeuNGKu JaMeuN PiJuT-PiJuT, GaDoH KaLueT BaCa Do’a, TeuNGKu JiNoe TumBon-TuMBoN, GaDoH eK TRoeN RiNYeueN iSTaNa.

0049.
TuLaK ToNG TiNGGaI TeM.

0050.
WaJeB uRoe JuM’aT , SuNaT uRoe RaYa, Meu uTaNG BaK JuDi, MeuJaNJi Ni BaK CiNTa, Me uCaP ‘oH BaLa, Meu RaTeB ‘oH GeuMPa.

geunaseh leumoe bak naleng,,
geunaseh ureung bak harta,,

Pepatah-Pepatah Ureung Aceh

Adat meuturi, hukum meubaca (adat mengenal atau mencari, hukum menimbang).

Segala keputusan adat, tidak selamanya menjadi norma-norma agama. Keputusan-keputusan adat selalu diinterpretasikan ke dalam hukum agama, apakah sejalan atau tidak. Bila keduana telah bergandengan, maka hal itu sudah dipandang sempurna.

Yoh na teuga taibadat, tahareukat yoh goh matee (selagi kuat beribadatlah, berusahalah mencari rezeki sebelum mati).

Masa dan waktu dimanfaatkan dengan sebaik-baikna, untuk beribadat kepada Allah, disamping dipergunakan pula untuk mencari kebutuhan hidup.

Umur geutanyo hanya siuro simalam, oleh sebabnyan taubat teu bakna (umur kita tidak ada sehari semalam, oleh sebab itu, bertaubatlah).

Umur manusia itu pendek sekali (sehari semalam). Untuk itu dianjurkan kepada manusia, supaya selalu bertaubat kepada Tuhan (Allah).

Adat meukoh reumbong, hukom meukoh pureh. Adat jeub beurangho takong, hukom hanyeut talangeuh (Adat berporong rebung, hukum berpotong lidi. Adat bisa saja dihidari, hukum tidak bisa dibantah).

Hukum Tuhan adalah hukum yang lebih sempurna daripada ciptaan manusia. Oleh karena itu tak boleh diganggu gugat.

Syeeruga nyan diyup gaki ma (surga itu dibawah telapak kaki ibu).

Pepatah ini menunjukkan bahwa ibu mendapat tempat yang teratas dalam pandangan agama, sehingga seolah-olah surga itu ada di bawah telapak kaki ibu. Begitu mulianya seorang ibu, sehingga apabila seseorang itu durhaka kepada ibunya, maka Tuhan (Allah) tidak menyediakan surga kepada yang mendurhakai ibunya.

Lailah haillallah, kalimah taibah payong pagee. Sou yang afai kaliah nyan, seulamat iman di dalam hatee (Lailah haillallah, kalimah taubah payung kiamat. Siapa yang hapal kalimah itu, selamat iman di dalam hatinya).

Seorang hamba Allah yang taat mengerjakan ibadah, kepadanya akan diberikan balasan yang setimpal di hari kiamat sesuai dengan amal perbuatannya.

Abeh nyawong Tuhan tung, abeh areuta hukom pajoh (Habis nyawa, Tuhan yang ambil. Habis harta, hukum yang makan).

Ke mana saja pergi pada suatu saat kita akan dipanggil menghadap Tuhan.

Adat bak po teumeureuhom, hukom bak syiah Kuala, Kanun bak putro Phang, Reusam bak Lakseumana (bentara) Adat ngon hukom lage Zat ngon sifeut.

Adat yang berlaku adalah kekuasaan raja, sedangkan hukum yang dijalankan adalah menurut keputusan tuan puteri, sementara resam basi yang berjalan serta keamanan negeri dipulangkan kepada laksamana atau bentara. Adat dan hukum seperti zat dan sifat.

Raja ade, Raje geuseumah, Raja laleem, Raja geusanggah (raja adil, raja disembah, raja lalim, raja disanggah).

Setiap raja yang memerintah dengan adil, bijaksana, pemurah dan jujur perlu disembah atau diikuti, tetapi kalau raja itu lalim dan bertindak sewenang-wenang dalam memerintah maka ia perlu disanggah.

Alah satatang bana urek same buku, alah sesuai au jo pinago, ibarat pinang pulang ka tampuak, sirih baliek kaguyanggayo, pucuak dicinto ulam tibo, kuah tatunggang diaten nasi, lak kuak lai makanan, diateh daluang hidangan tiba (sudah tepat benar urat dengan buku, sudah sesuai aur dengan pinaga, ibarat pinang pulang ketampuk, sirih berbalik ketampunya, pucuk dicinta ulam tiba, kuah ditumpahkan di atas nasi, tambah kuah tambah makanan, diatas dulang makanan tiba).

Makna dari pepatah di atas menyatakan bahwa suatu pekerjaan yang paling cocok, sesuai dan paling harmonis bagi seseorang.

Bia sutan kota di kampuang, rajo di nagari, kalau ke rantau dagang juo (Biar bangsawan kita di kampung, raja di negeri, kalau ke rantau dagang juga).

Walaupun kita keturunan baik-baik di kampung sendiri atau pun raja di negeri sendiri, tetapi bila kita berada di tempat lain atau negeri orang lain, haruslah kita dengan kerendahan hati menyesuaikan diri dengan lingkungan. Sehingga tidak terjadi suatu pertentangan dengan penduduk setempat, baik langsung maupun tidak langsung.

Umong meuateung, ureng meupeutua. Rumoh meuadat, pukat meukaja (sawah berpematang, orang berpemimpin, rumah beradat, pukat berkaja).

Setiap masyarakat harus ada pemimpin untuk mengatur hak dan kewajiban anggota masyarakatnya, sehingga tujuan kerajaan tercapai sebagaimana mestinya. Apabila masyarakat tidak mempunyai pemimpin yang baik, maka suatu waktu akan rubuhlah masyarakat itu.

Hukom nanggro keupakaian, hukom Tuhan keu kulahkama (hukum negara untuk pakaian, hukum Tuhan untuk Mahkota).

Hukum pada suatu wilayah atau negara harus dipergunakan dan dipatuhi, sebagai tata cara dalam menjalani hidup. Hukum Tuhan adalah merupakan pedoman hidup dan wajib dijunjung tinggi lebih dari hukum negara itu sendiri.

Matee aneuk na jeurat, matee adat pat tamita (mati anak ada kuburan, hilang adat dimana kita harus mencarinya).

Seandainya seseorang itu tidak lagi mematuhi peraturan-peraturan yang berlaku dalam masyarakat, berarti seseorang atau anggota masyarakat tersebut tindak tanduknya menjurus kepada pembasmian adat istiadat yang berlaku. Kalau hal itu terjadi bagaimanakah mengembalikan adat istiadat tersebut pada tempatnya semula.

Tajak beutroh takalon beudeuh, beek rugo meuh saket hatee (pergi sampai ke batas, melihat harus jelas, jangan sampai rugi mas sakit hati).

Apa yang kita dengarkan maupun yang kita kerjakan atau lakukan, haruslah kita periksa atau pikir-pikir dulu, jangan sampai menyesal dikemudian hari.

Uleueu bak matee, ranteng beek patah. But beujeut, geutanyo beek leumah (ular harus mati, ranting jangan patah. Pekerjaan harus jadi, kita jangan nampak).

Menyelesaikan suatu perkara hendaklah dengan bijaksana, sehingga menyenangkan bagi kedua belah pihak.

Tahimat yek mantong na, beuteugoh that yoh goh cilaka (hemat semasa masih ada, hati-hati sebelum celaka).

Berhematlah semasa dalam keadaan senang (berada), dan berhati-hati pula sebelum terjerumus (kena).

Bulet lagu umut, tirus lagu gelas (bulat seperti batang pisang, lurus seperti gelas atau gagang pancing).

Suatu kebijaksanaan harus melalui mufakat yang bulat, untuk menuju kepada suatu tujuan.

Lammem beramik pantas berulo.

Seseorang yang sudah tersesat pantas dinasihati atau seseorang yang selalu ketinggalan di belakang, pantas ditarik ke muka.

Rudah u mayang roh bak muka dro teuh (meludah ke atas ke muka sendiri juga).

Orang yang mengkhianati orang lain, pada suatu saat akan berlaku hukum karma (pembalasan) atas dirinya sendiri.

Karajo biek elok dilakeh-lakehkan, jangan diselo dek nana buruak.

Pekerjaan yang baik itu bagus disegerakan, supaya jangan diselingi oleh yang buruk.

Geumaseeh papa, seutia matee (pengasih papa (miskin) setiap mati/hilang nyawa).

Orang yang pengasih tidak sampai hati melihat orang lain menderita, akibatnya selalu ia berada dalam kurungan sendiri. Demikian juga orang yang setia karena kawan, karena teman seperjuangannya atau karena keluarganya, ia akan menanggung akibat hilangnya nyawa karena membela kepentingan dan kehormatan atau pun keselamatan mereka dari kemungkinan-kemungkinan pengkhianatan/penganiayaan orang lain.

Sumber:
Hasjim, M.K. 1974. Peribahasa Aceh. Banda Aceh: Dinas Pendidikan dan Kebudayaan Propinsi Daerah Istimewa Aceh.
Husein, Mohammad. 1970. Adat Aceh. Banda Aceh. Dinas Pendidikan dan Kebudayaan Propinsi Daerah Istimewa Aceh.
Syamsuddin, T. dkk. 1978. Adat Istiadat Daerah Propinsi Daerah Istimewa Aceh. Banda Aceh: Departemen Pendidikan dan Kebudayaan.